डडेल्धुरामा जिप दुर्घटना हुँदा वडा अध्यक्षसहित ४ जनाको मृत्यु भएको छ । डोटीको दिपायलबाट कोहलपुरतर्फ गइरहेको से १ ज ३३० नम्बरको जीप दुर्घटना हुँदा चार जनाको मृत्यु भएको हो ।
डडेल्धुराको गन्यापधुरा गाउँपालिका २ मा मंगलबार भएको दुर्घटनामा ७ जना घाइते भएको जिल्ला प्रहरी कार्यालय डडेल्धुराले जनाएको छ । मृत्यु हुनेमा आदर्श गाउँपालिका वडा नं. २ का वडाअध्यक्ष प्रेमबहादुर बोहरा, दिपायल सिलगढी नगरपालिका४ का गाडीधनी विनोद रावल, आदर्श गाउँपालिका २ डोटीका लालबहादुर बोहरा र सोही ठाउँकी जानकी बोहरा रहेको जिल्ला प्रहरीले जनाएको छ ।
११ जना यात्रु सवार जिप दुर्घटना हुँदा तीन जनाको घटनास्थलमै मृत्यु भएको हो र एकजनाको अस्पताल लैजादै गर्दा बाटोमा निधन भएको हो ।
घाइते हुनेमा चालक विष्णु विक, सिरहाका करन कुमार यादव , आर्दर्श गाँउपालिका २ का विनोद बोहरा, विष्णु बोहरा, टेकबहादुर बोहरा र नरेश बोहरा रहेका छन् । घाइते मध्ये गम्भीर तीन जनालाई धनगढी पठाईएको र अन्य चार जनाको डडेल्धुरास्थित उपक्षेत्रीय अस्पतालमा उपचार भइरहेको प्रहरीले जनाएको छ ।