सरकारले आगामी २ बर्ष भित्र साक्षर नेपाल घोषणा गर्ने भएको छ । आगामी आर्थिक बर्षको बजेट पेश गर्दै अर्थमन्त्री युवराज खतिवडाले यस्तो घोषणा गरेका हुन् ।
साथै विद्यालय जाने सबै वालबालिकालाई भर्ना गराइने , ५ कक्षासम्मका विद्यार्थीलाई पौष्टिक खाजा उपलब्ध गराइने, शिक्षा शंकायका विद्यार्थीलाई सामुदायीक विद्यालयमा अनिवार्य इन्ट्रन गर्नु पर्ने र सबै सामुदायीक विद्यालयमा द्रुत गतीको इन्टरनेट पुर्याइने भएको छ ।
शिक्षक दरबन्दी पुनर्संरचना गरिने र उच्च शिक्षा हासिल गरेका युवालाई व्यवसायमा आकर्षित गर्न धितोपत्रको आधारमा ५ प्रतिशतसम्म व्याज अनुदानमा ७ लाखसम्म ऋण उपलब्ध गराइने भएको छ ।
साथै सरकारले सबै स्थानीय तहमा प्राविधिक विद्यालय पुर्याउने र सम्पूर्ण बालबालिकालाई विद्यालय लगौं, ल्याउँ, टिकाउ र सकाउँ अभियान सञ्चालन गर्ने भएको छ ।
