अर्थमन्त्री युवराज खतिवडाले १३ खर्व १५ अर्वको बजेट सार्बजनिक गरेका छन् ।
सरकारले सरकारी कर्मचारीको तलब पुनरावलोकन गर्न उच्च स्तरीय तलब आयोग गठन गर्ने भएको छ । अर्थमन्त्री युवराज खतिवडाले बजेट सार्बजनिक गर्दै यस्तो घोषणा गरेका हुन् । सरकारले कर्मचारी र शिक्षकको पोसाक भत्तामा बृद्धि गरेर १० हजार पुर्याएको छ। त्यस्तै कर्मचारीको महंगी भत्ता २ हजारले बढेको छ । कैदीको सिदा खर्च ४५ बाट ६० रुपैयाँ पुर्याइएको छ ।
त्यस्तै सरकारी कर्मचारीको ५० प्रतिशत बिमा रकम सरकारले बेहोर्ने भएको छ ।
सरकारले आगामी वर्ष समाजिक सुरक्षा भत्तामा नबढाउने भएको छ । सरकारले नयाँ बजेटमार्फत समाजिक सुरक्षालाई एकीकृत गर्ने घोषणा गरेको छ ।
७० वर्ष माथिका नागरिकको एक लाखसम्मको स्वास्थ्य बिमाको शुल्क भने सरकारले नै तिर्ने भएको छ । सरकारले बजेटमार्फत अब समाजिक सुरक्षा कार्यक्रमलाई योगदानमा आधारित बनाउँ बनाउने घोषणा गरेको छ । अब दोहोरो समाजिक सुरक्षा हटाउने घोषणाा बजेटले गरेको छ ।