साना किसान बैंकका प्रवन्धक झलेन्द्र भट्टराईले बजेट मार्फत हुने भनिएको ऋण मिनाहाबारे भ्रममा नपर्न आग्रह गरेका छन् ।
मंगलबार सरकारकोको बजेट पेश गर्दै अर्थमन्त्री डा युवराज खतिवडाले ७८ नम्बर बुंदामा 'साना किसानहरूले तत्कालिन साझा सहकारी संस्थाहरूबाट लिएको सम्पूर्ण ऋण मिनाहा गरेको' घोषणा गरेका थिए । यसपछि धेरै संचार माध्यमहरुले साना किसान सकारीको ऋण मिनाहा भएको भन्दै समाचार सम्प्रेषण गरेका थिए । तर प्रवन्धक भट्टराईले साना किसान सहकारीको ऋण मिनाहा भएको नभई साझा सहकारी ऋण मिनाहा भएको स्पष्ट पारेका हुन् ।
उनका अनुसार साझा सहकारी भनेका बि.स. २०४८ साल भन्दा अघि श्री ५ को सरकारले खोलेका सहकारी हो। यी प्राय बन्द भईसकेका र केहीमा मात्र ऋण बाकी भएको उनको भनाई छ । उनको बुझाईमा यस्ता मृतप्राय: संस्थाहरुको ज्यादै पुरानो ऋणलाई हिसाबबाट हटाउन मिनाहा गरिएको हो ।
साथै उनले साना किसान सकारीको ऋण मिनाहा नभएकोले भ्रममा नपर्न साना किसान सहकारी परिवारलाई अनुरोध छन् ।