साढे ३३ किलो सुन प्रकरणका अर्का एक अभियुक्तले अदालतसामु आत्मासमर्पण गरेका छन् । डेविड डा भनिने छिरिङ वाङ्गेल घलेले आइतबार जिल्ला अदालत मोरङमा आत्मसमर्पण गरेका हुन् । उनी मुख्य अभियुक्तमध्येका एक हुन् । अदालतले उनको बयान लिन सुरु गरेको छ ।
यस अघि एसएसपी श्यामबहादुर खत्रीले पनि जिल्ला अदालत मोरङमा आत्मसमर्पण गरेका थिए । उनी जेल चलान भईसकेका छन् ।
सुन प्रकरणका मुख्य अभियुक्त गोरे भनिने चुडामणि उप्रेती पक्राउ परेपछि अन्य अभियुक्तहरुले आत्मसर्पण गरेका हुन् ।