अर्थमन्त्री डा युवराज खतिवडा २ बर्षमात्र मन्त्रीको रुपमा रहने भएका छन् । राष्ट्रिय सभाका सदस्य रहेका मन्त्री खतिवडाको पदावधि २ बर्ष कायम भएको हो । राष्ट्रिय सभाका सदस्यको पदावधि गोलाप्रथाबाट आज निर्धारण हुदै छ । यसै क्रममा खतिवडालाई २ बर्षको चिट्ठा परेको हो । दुई वर्षपछि राष्ट्रियसभा सदस्य नहुने भएपछि उनी मन्त्री पनि हुने छैनन । मन्त्री बन्नको लागि संसदको सदस्य हुनु पर्ने संबैधानिक ब्यबस्था छ ।
उता गृहमन्त्री रामबहादुर थापाको राष्ट्रियसभाको कार्यकाल भने ६ वर्षको हुने भएको छ । गोलाप्रथामा उनलाई ६ बर्षको चिट्ठा परेको हो । बादल माओवादी केन्द्रको तर्फबाट राष्ट्रियसभा सदस्यमा निर्वाचित भएका हुन् भने खतिवडा मनोनित हुन्।
नेपालको संविधानको धारा ८६ अनुसार सो सभाका ५९सदस्यले गोलाविधिद्वारा आफ्नो कार्यावधि दुई, चार र छ कति वर्ष हुने भन्ने टुङ्गो लगाएका हुन् ।