नेपाल टेलिकमले मिदास एजुकेसन प्रालिसँग सहकार्य गरी मिदास ई–क्लास सेवा उपलब्ध गराएको छ । विद्यार्थीहरुलाई मोबाइल फोन, ट्याब्लेट र कम्प्युटरको माध्यमबाट विद्यालय तहमा पढाइने पाठ्यक्रम उपलब्ध गराई सिकाउन यो सेवा ल्याईउको टेलिकमले जनाएको छ ।
यस माध्यमबाट श्रब्य, दृश्य शैक्षिक सामग्रीहरु उपलब्ध हुने भएकाले बालबालिकालाई रुचिपूर्ण र बुझ्न तथा सम्झन सहज हुने अपेक्षा गरिएको छ ।
मिदास ई–क्लासमा शिशु कक्षा (प्लेग्रुप) देखि कक्षा १० सम्मका विभिन्न विषयहरु समावेश गरिएको छ ।
आज देखी सुरु भएको यो सुविधा टेलिकमका ग्राहकले दैनिक १५ रुपैयाँ, साप्ताहिक ७० रुपैयाँ र मासिक २५० रुपैयाँमा यो सुविधा खरिद गर्न सक्ने छन् ।