जल तथा मौसम पूर्वानुमान बिभागले हाल काठमाडौंको उत्तरपुर्वी क्षेत्रमा ठुलो बर्षा भईरहेकोले सतर्क रहन आग्रह गरेको छ । बिभागका अनुसार शुक्रबार बेलुका ६ बजे तिरबाट काठमाडौंको उत्तरपुर्वी क्षेत्रका शिवपुरी, सुन्दरीजल, सांखु लगायतको क्षेत्रमा ठुलो वर्षा शुरु भएको हो ।
ठुलो वर्षा सुरु भएकाले केहीवेरमा धोवी खोला, बागमती, नागमती, सालिनदी-मनोहरा लगायतमा आकस्मिक बाढी आउने संभावना रहने बिभागले जनाएको छ। साथै बिभागले यी खोला आसपास सतर्क रहन आग्रह गरेको छ ।