भारतका लागि नेपाली राजदूतमा नीलकण्ठ उप्रेतीलाई सिफारिस भएका छन् । सोमबार बसेको मन्त्रिपरिषद् बैठकले पूर्व प्रमुख निर्वाचन आयुक्त उप्रेतीलाई भारतका लागि नेपाली राजदूत सिफारिस गरेको हो ।
चुनाव लड्न दीपकुमार उपाध्यायले राजीनामा दिएपछि उक्त पद रिक्त थियो । कपिलवस्तुबाट कांग्रेसको तर्फबाट प्रतिनिधिसभा चुनाव लडेका उपाध्याय भने नेकपाका चक्रपाणि खनाल बलदेवसँग पराजित भएक थिए । त्यस्तै बैठकले मलेसियाका लागि नेपाली राजदूतमा उदयराज पाण्डेलाई सिफारिस गरेको छ । उनी यूएईका पूर्व राजदूत हुन् ।
