नेपाल राष्ट्र बैंकले विद्युतीय माध्यमबाट गरिने कारोबारको सीमा फेरबदल गरेको छ । राष्ट्र बैंकले नेपाली मुद्रामा भुक्तानी हुने गरी जारी गरिएका क्रेडिट कार्ड,डेबिट कार्ड, प्रिपेड कार्ड र मोबाइल तथा इन्टरनेट बैकिंङ सेवा लगायत अन्य विद्युतीय माध्यमबाट गरिने कारोबारको सीमा फेरबदल गरेको हो ।
यस्ता छन् नयाँ ब्यबस्था :
क्रेडिट कार्डबाट रकम झिक्दा स्वीकृत सिमाको २५ प्रतिशतसम्म झिक्न पाइने ।
प्रिपेड कार्डबाट नेपाल भित्र रकम झिक्दा एक पटकमा न्युनतम ५ सय देखि अधिकतम २५ हजार झिक्न पाइने तर एक महिनामा ५० हजार भन्दा बढी झिक्न नपाइने ।
डेबिट कार्डबाट रकम झिक्दा एक पटकमा न्यूनतम ५ सय देखि अधिकतम २५ हजार सम्म झिक्न पाइने तर एकै दिन १ लाख भन्दा बढि झिक्न नपाइने ।
