राष्ट्रिय परीक्षा बोर्डले यस वर्षको कक्षा १२ को नतिजा भोलि बिहीबार सार्वजनिक गर्ने भएको छ । बोर्डले मंगलबार नै सबै काम सकिएको भन्दै बुधबार नतिजा प्रकाशन गर्ने जनाएपनि प्राविधिक समस्या आएको भन्दै बिहिबार मात्रै सार्वजनिक गरिने जनाएको हो ।
बोर्डका अध्यक्ष चन्द्रमणि पौडेलले ‘भोलि नतिजा सार्वजनिक गर्छौं, अझै फाइनल गर्न बाँकी छ । काम गर्दै जाँदा केही प्राविधिक समस्या आईपर्यो, आज नतिजा प्रकाशन गर्न सकेनौं’ भने ।
तर बोर्डका केही सदस्य बुधबारको बैठकमा उपस्थित हुन नसक्ने जनाएपछि नतिजा भोलिका लागि सारिएको अनुमान गरिएको छ । यसपटक बोर्डले नियमितको अक्षरांकमा र आशिंकको नम्बरमा नतिजा प्रकाशित गर्दै छ ।
परीक्षामा करिव ४ लाख विद्यार्थी सहभागी छन् ।