मकवानपुरको थाहा नगरपालिकाका प्राविधिक घुस सहित पक्राउ परेका छन । आज मध्यान्ह १२ः४५ बजे नगरपालिकामा भवन तथा प्राविधिक निमार्ण शाखामा कार्यरत सब इन्जिनियर कलराज न्यौपाने घुस रकम सहित प्रक्राउ गरिएको प्रहरीले जनाएको छ ।
सोही नगरको वडा नम्बर २ का मिन प्रसाद ढकालसंग भुकम्पले भत्काएको घर पुननिर्मार्ण गरेको र नयाँ घर बनाएको निरिक्षण गरेको प्रमाणित गर्न घुस मागेको भन्ने सूचनाका आधारमा खटिएको प्रहरीको टोलिले २ हजार रुपैयाँ घुस लिदालिदै सौचालयबाट पक्राउ गरेको हो ।
सव–इन्जिनियर न्यौपाने जिल्ला कालिकोट रासिकोट नगरपालिका १ का स्थायी वासिन्दा हुन् । न्यौपाने इलाका प्रहरी कार्यालय पालुङको नियन्त्रणमा छन् ।