राकेश यादब/ प्रदेश २
रौतहटको गौर नगरपालिका ४ टिकुलियाघाट स्थित लालबकैया नदीमा शनिबार साँझ डुंगा दुर्घटना भएको छ। ४० बढी मानिस सवार डुंगा दुर्घटना भएको स्थानीयले जनाएका छन्।
यद्दपी डुंगा चलाउनेले २५ जना मात्रै सवार रहेको बताएको उद्धार गर्न पुगेका रौतहट प्रहरी प्रमुख केदार ढकालले बताएका छन। डुंगामा सवार रहेका केही मानिस पौडिएर निस्किएको भएपनि अन्य व्यक्तीहरु बेपत्ता भएको बताइएको छ।
घटनास्थलमा रौतहटका सिडिओ गोबिन्द प्रसाद रिजाल , नेपाल प्रहरी, ससस्त्र प्रहरी,नेपाली सेना लगायत जिल्ला स्थित सुरक्षा निकायका प्रमुखहरु पुगेका छन। हराइरहेकाहरुको खोजी गर्नका लागी सयौ सुरक्षाकर्मीहरु परिचालन गरीएको छ। मोटरसाइकलको लाइटको सहयोगमा दुर्घटनामा परेकाहरुको खोजि कार्य जारि छ। शनिबार पौने ९ बजे प्राप्त जानकारी अनुसार १० पुरुष र ५ महिलाको उद्धार गरिएको छ ।
