भदौ १४ र १५ गते काठमाडौँ उपत्यकाका सम्पूर्ण बिद्यालय बन्द हुने भएका छन् । विमस्टेक सम्मेलनलाई लक्षित गरेर सरकारले काठमाडौँ, भक्तपुर र ललितपुर जिल्लाका बिद्यालय बन्द गर्ने निर्णय गरेको हो ।
सम्मेलनको क्रममा आउने बिदेशी पाहुनाको लागि आवागमनलाई सुरक्षित, व्यवस्थित र सहज बनाउन विद्यालय विदा दिने निर्णय गरेको हो । यी दुई दिन बिद्यालयका गाडी पनि नचलाउन सरकारले आग्रह गरेको छ ।
उपत्यकाको सवारी आवागमन सहज बनाउन सरकारले भदौ १३ गतेदेखि नै तीन दिनसम्म सवारी साधनमा जोर विजोर प्रणाली लागू गर्ने छ ।