शनिबार पोखराको बेगनासतालमा डुंगा दुर्घटना हुँदा बेपत्ता भएका पाँच जनाको शव भेटिएको छ । आइतबार नेपाल प्रहरी, नेपाली सेना र सशस्त्र प्रहरीकको गोताखोरको टोलीले ५ जनाको शव निकालेको हो ।
पाँच वर्षीय प्राचीन पौडेल, १७ वर्षीया मनीषा बजगाईं, आठ वर्षीय शिव खनाल, सात वर्षीय शंकर खनाल र चार वर्षीय रञ्जित गैरेको शव भेटिएको प्रहरीले जनाएको छ । कृष्णकुमारी बजगाईं र जमुना कँडेलको उद्धार गरिए पनि उपचारको क्रममा शनिबार नै मृत्यु भएको थियो । दुर्घटनामा परेका रवि खनाल अझै बेपत्ता छन् ।