कञ्चनपुरकी १३ वर्षीया बालिका निर्मला पन्तको बलात्कारपछि भएको हत्याको घटना छानबिन गर्न प्रहरीले डीआईजी धीरु बस्न्यात नेतृत्वको समिति गठन गरेको छ । प्रहरीले एआइजीको लागी सिफारिस भएका बस्न्यातको नेतृत्वमा ‘शक्तिशाली’ समिति गठन गरेको हो ।
यसअघि भदौ १४ मा गठित एसएसपी उत्तम सुवेदी नेतृत्वको समितिलाई विस्तार गर्दै प्रहरी मुख्यालयल डीआईजी बस्न्यातलाई घटना छानविनको जिम्मा दिएको हो । समितिका संयोजक एसएसपी उत्तम सुवेदी र अर्का एसएसपी नरेश शाही सदस्य रहेका छन् । नेपाल प्रहरीका प्रवक्ता एसएसपी शैलेश थापाले यो समितिमा सीबीआर र पोलिग्राफ टेस्ट गर्न सक्ने विज्ञ प्रहरी अधिकृत पनि सदस्य छन् ।
प्रवक्ता थापाले पहिले एकजना एसपी मात्रै निलम्बनमा परेको तर दुई डीएसपीसहित अन्य पाँचजना अधिकृत पनि निलम्बनमा परेपछि प्रभावकारी छानबिन गर्न नयाँ समिति बनाईएको बताए ।