सरकारले सार्वजनिक यातायातको भाडा १० प्रतिशतले बढाएको छ । बढेको इन्धनको भाऊ अनुसार नै भाडा वृद्धि हुनुपर्ने माग राख्दै आएका यातायात व्यवसायीसंगको सहमति अनुसार आइतबार यातायात ब्यबस्था बिभागले भाडा बढाएको हो ।
ईन्धनको अंश ३५% र अन्य सूचकहरुको अंश ६५% मानी भाडादर कायम गरिएको बिभागले जनाएको छ । नयाँ भाडा दर असोज ७ गते आइतबार लागु हुने छ । हाल भाडादर समायोजन गर्दा डिजेलको प्रतिलिटर मूल्य रु. १०१ र पेट्रोलको प्रतिलिटर मूल्य रु. ११४ को आधारमा गरिएकोले यस पछिको भाडा समायोजन ईन्धनको मूल्यमा रु.५।०० (पाँच) भन्दा बढीले घटबढ भए पश्चात् गरिने बिभागले स्पस्ट पारेको छ ।
काठमाडौं उपत्यका तथा स्थानीय रुटमा निम्न बमोजिम भाडादर कायम भएको छ ।
० देखि४ कि।मि। मा १४ रुपैयाँ
० देखि ५कि।मि। मा १६ रुपैयाँ
० देखि ६कि।मि। मा १७ रुपैयाँ
० देखि ८ कि।मि। मा १८ रुपैयाँ
० देखि १० कि।मि। मा २१ रुपैयाँ
० देखि १३ कि।मि। मा २३ रुपैयाँ
० देखि १६ कि।मि। मा २५ रुपैयाँ
० देखि १९ कि।मि। मा २६ रुपैयाँ
० देखि १९ कि।मि। मा २७ रुपैयाँ
तोकिएको भन्दा बढी लिएमा यातायात व्यवस्था विभागको फ्याक्स नं. ४४७४९२२, टेलिफोन नम्बर ४४७९६९० र [email protected] वा प्रधानमन्त्री तथा मन्त्रिपरिषद्को कार्यालयको हेलो सरकार कक्षको टोल फ्रि नम्बर ११११ मा सम्पर्क गरी वा एसएमएस पठाई फ्याक्स नम्बर ११००, email: [email protected] वा नजिकको जिल्ला प्रशासन कार्यालय वा ट्राफिक प्रहरी वा प्रहरी कार्यालयको टोल फ्रि नम्बर १०१ र १०३ वा यातायात व्यवस्था कार्यालयमा जानकारी गराउनुहुन यातायात व्यवस्था विभागले अनुरोध गरेको छ ।
