संघीय संसद्को दोस्रो अधिवेशन आज बिहीबार अन्त्य हुँदै छ। अहिले जारी संसद बैठकमा दलिय प्रतिनिधि अनुसार शिर्ष नेताहरुले सम्बोधन गरिरहेका छन् । यसपछि सभामुखले राष्ट्रपति कार्यालयबाट संसद अधिबेशन अन्त्य भएको पत्र पढेपछि राती १२ बजेपछि अधिबेशन अन्त्य हुनेछ ।
वैशाख २३ बाट सुरु भएको दोस्रो अधिवेशनले बजेट पारित, मौलिक हकसम्बन्धी कानुन निर्माण गरेको छ । तर यस अधिबेशनले चिकित्सा शिक्षा, नागरिकता संशोधन, बिमा लगायतमहत्वपूर्ण विधेयक पारित नगर्ने भएको छ ।
अधिवेशन अन्त्यसँगै नागरिकता संशोधन, चिकित्सा शिक्षा, लेखापरीक्षण, भुक्तानी तथा फछ्र्योट, बिमासम्बन्धीमहत्वपूर्ण विधेयक भने अलपत्र पर्ने भएका छन्। यी विधेयक प्रतिनिधिसभाका विभिन्न समितिमा विचाराधीन छन्।
