संघीय संसद (प्रतिनिधि सभा र राष्ट्रिय सभा) को वर्षे अधिवेशन अन्त्य भएसंगै म्यानपावर कम्पनिको धरौटी रकम बृद्धिको प्रस्ताव पनि रोकिएको छ । श्रम, रोजगार तथा सामाजिक सुरक्षामन्त्रि गोकर्ण विष्टले म्यानपावर कम्पनीको धरौटी वृद्धिको प्रस्ताव गरेका थिए । उनले वैदेशीक रोजगारीमा जाने कामदारहरु ठगीनबाट जोगाउन र कामदारलाई गन्तव्य मुलुक पठाएर समस्या पर्दा म्यानपावर कम्पनिले जीम्मेवारी वहन गर्न सक्ने गरी धरौटी रकम बृद्धि गराउने गरी ऐन संशोधन प्रक्रिया अगाडी बढाएका थिए ।
धरौटि रकम ६ करोडसम्म पुर्याउने गरी ऐन संशोधन प्रक्रिया अगाडी बढेपछि म्यानपावर कम्पनीहरुले यसको बिरोध गर्दै आएका थिए । तर संसदको अधिबेशन नै अन्त्य भएपछि यस सम्बन्धि बिधेयक संसदमा पेश हुने बाटो बन्द भएको छ । यससंगै तत्कालको लागि यो प्रक्रिया हिउँदे अधिवेशनसम्मको लागी रोकिएको छ ।
श्रम मन्त्री गोकर्ण विष्टको प्रस्तावमा ५ हजारभन्दा बढी कामदार विदेश पठाउने म्यानपावरको धरौटी नगद २ करोड र बैंक ग्यारेन्टी ४ करोड सहित ६ करोड र ५ हजार भन्दा कम कामदार पठाउने म्यानपावरको धरौटी नगद १ करोड र बैंक ग्यारेन्टी २ करोड गरि ३ करोड पुर्याउने गरि प्रक्रिया अगाडी बढेको थियो ।