संघीय संसदको अर्थ समितिले सरकारी भुक्तानि प्रणालिलाई व्यवस्थित गर्न पूर्ण रुपमा विधुतीय भुक्तानि प्रणाली लागु गर्न सरकारलाइ निर्देशन दिएको छ । समितिको आइतबार बसेको बैठकले बाणिज्य बैङ्कहरुको पहुँच भएका स्थानीय तहमा पूर्ण रुपमा विधुतीय भुक्तानि प्रणाली लागु गर्न गराउन निर्देशन दिएको हो ।
बैठकमा पुर्व अर्थमन्त्री डा सुरेन्द्र पाण्डेले सम्पूर्ण सरकारी भुक्तानी अनलाइन पेमेन्ट मार्फत गर्न माग गरेका थिए । सांसद पाण्डेले सरकारी निकायमा हुने भ्रष्ट्राचार कम गर्न तथा खर्च अनियमितता कम गर्न यस्तो माग गरेका हुन् । उनले बैठकमा अब देखि नै सरकारी भुक्तानीको हकमा अनलाइन पेमेन्ट मार्फत भुक्तान हुने ब्यबस्था गर्न सरकारलाई निर्देशन दिनको लागि माग गरेका थिए ।
समितिले यथाशिघ्र वित्तीय जवाफदेहिता कानुनको विधेयक तयार गरि संसदमा पेश गर्न अर्थ मन्त्रालयलाई निर्देशन दिएको छ । यस्तै बैठकले संसदिय प्रकृया भन्दा वाहिरबाट प्रवेश गरेका गैर वजेट कार्यक्रम/योजनाको अवस्था र पर्याप्त तयारि/अध्ययन विना वजेट विनियोजन गरिएका कार्यक्रमको अवस्थाको जानकारी समितिलाई गराउन पनि सरकारलाई निर्देशन दिएको छ।
