निर्मला पन्तको हत्याबारे छानबिन गर्न बनेको समितिले गृहमन्त्रीलाई बुझाएको प्रतिवेदन सार्बजनिक भएको छ । कञ्चनपुरमा गत साउन १० गते बलात्कारपछि हत्या भएकी १३ वर्षीया बालिका पन्तको हत्याबारे छानबिन गर्न बनेको हरिप्रसाद मैनालीको संयोजकत्वको टोलीले गृहमन्त्री रामबहादुर थापालाई बुझाएको प्रतिवेदन आज सार्बजनिक भएको हो ।
अनुसन्धानमा खटिएको प्रहरीको भूमिका शङ्कास्पद देखिएको र अनुसन्धान अगाडि नबढेपछि गृह मन्त्रालयले भदौ ७ गते मैनालीको संयोजकत्वमा छानबिन समिति गठन गरेको थियो । समितिले प्रतिवेदनमा घटनाको वस्तुस्थिति, स्थानीयवासीको भनाइ, प्रहरी अनुसन्धानमा भएका कमीकमजोरीलाई समावेश गरेको छ ।
प्रतिवेदनमा प्रहरीले लापरबाही गरेको निष्कर्ष निकालेको छ । साथै अनुसन्धान संलग्न विभिन्न प्रहरी अधिकारीहरुलाई विभागीय कारबाहीको गर्न सिफारिस गरिएको छ ।
हेर्नुस प्रतिवेदनको पूर्ण पाठ ।
