बिहिबार राजधानीका विभिन्न स्थानमा बिद्युत आपूर्ति बन्द हुने भएको छ । कलंकी नागढुंगा सडक खण्डको ढुंगे अड्डादेखि तीनथाना बस स्टप सम्म लाइन सिफ्टिंग तथा व्यवस्थापन कार्यको लागि बिद्युत लाइन बन्द हुने नेपाल बिद्युत प्राधिकरणको जनाएको हो ।
जस अनुसार स्युचाटार सब स्टेशन बाट संचालीत् बलम्बु फिडरबाट आपूर्ति हुने तीनथाना ,नैकाप ,सतुङ्गल लगायतका क्षेत्रमा आज बिहान १० बजे देखि बेलुका ५ बजे सम्म बिधुत आपूर्ति अवरुद्ध हुने छ । तोकिएको समय भन्दा अगावै कार्य सम्पन्न भएको अवस्थामा ५ बजे भन्दा अगावै लाइन सुचारु गरिने प्राधिकरणकी सूचना अधिकारी लिला अर्यालले जानकारी दिईन ।
सडक निर्माण गर्ने ठेकेदारलाई अबिलम्ब कार्य सम्पन्न गर्ने दबाब बढे पछि पछिलो समयमा २४ घण्टा नै सडक को काम हुदै आइ रहेको छ ।