गैरआवासीय नेपाली संघ (एनआरएनए) ले नेपालमा १ करोड एलईडी लाइट वितरण गर्ने भएको छ । बिद्युत बचत गर्ने उदेश्यले २ बर्ष भित्र १ करोड एलईडी लाइट वितरण गर्ने घोषणा गरेको हो । परम्परागत ४० वाट लाइट बराबरको क्षमता १० वाट कै एलईडी लाइटमा हुने भएकोले बलब वितरणपछि मुलुकमा ३ सय मेगावाट विद्युत् बचत हुने एनआरएनएले जनाएको छ ।
आइतबार काठमाडौंमा आयोजना गरेको पहिलो एनआरएन अन्तर्राष्ट्रिय विज्ञ सम्मेलन अन्तर्गतको दिगो ऊर्जा विषयक सत्रमा एनआरएनए ‘उज्यालो नेपाल’ अभियानका संयोजक डा. बद्री केसीले दुई वर्षभित्र सरकारसँगको सहकार्यमा १ करोड एलईडी वितरण गर्न लागेको जानकारी दिएका हुन् । उनले स्थानीय शिक्षक र आमा समूहको सहभागितामा एलईडी लाइटको प्रयोगको जनचेतना जगाउने बताउँदै कृषि, उद्योग, विकासका साथै अन्य पूर्वाधार विकासका लागि विद्युत्को खपत बढाउन सकिने बताए ।