साझा यातायात प्रालिले काठमाडौंमा विद्युत्तीय बस सेवा सुरू गरेको छ । ललितपुरको पुल्चोकस्थित हरिहर भवनमा आयोजित एक कार्यक्रममा प्रधानमन्त्री केपी शर्मा ओलीले विद्युत्तीय बस सेवा सञ्चालनको उद्घाटन गरेका हुन् । उनले सोही बस चढेर सिंहदरबारसम्मको यात्रा समेत गरेका छन् ।
उपत्यकामा वायु र ध्वनी प्रदूषण बढेपछि नियन्त्रण गर्ने लक्ष्यका साथ साझाले ५ वटा विद्युत्तीय बस सञ्चालनमा ल्याएको हो । चिनमा निर्मित यी वस खरिदका लागि एसियाली विकास बैंकले सहयोग उपलब्ध गराएको साझाका निमित्त कार्यकारी प्रमूख महेन्द्रराज पण्डेले जानकारी दिए । यी बसमा चालकसहित २० सिटको क्षमता रहेको छ ।
