डडेल्धुरामा भएको बस दुर्घटनामा १० जनाको मृत्यु भएको छ। डडेल्धुराबाट डोटी जाँदै गरेको से १ प २९३ नम्बरको बस बिहीबार साँझ दुई जिल्लाको सीमानामा पर्ने रडुवा नदीमा दुर्घटनामा परेको हो।
डडेल्धुराका प्रहरी प्रमूख डम्बर केसीले दुर्घटनामा १० जनाको मृत्यु भएको पुष्टि गरेका छन् । उनका अनुसार मृतकको संख्या अझै बढ्नसक्छ । दुर्घटनामा २६ जनाभन्दा बढी गम्भीर घाइते भएका छन् । घाइतेमध्ये ६ को अवस्था चिन्ताजनक रहेको छ ।
बस सडकबाट पाँच सय मिटर तल खसेको छ।अमरगढी ५ मा लाग्ने उग्रतारा मेला हेरेर फर्केकाहरु दुर्घटनामा परेका प्रहरीले जनाएको छ । अहिले उद्दार कार्य जारि रहेको छ । घटनाको विस्तृत विवरण भने आउन बाँकी छ।
