डडेलधुरामा भएको स्कुल बस दुर्घटनामा परी मृत्यु हुनेको संख्या १६ पुगेको छ । डडेल्धुराबाट डोटी जाँदै गरेको पिस जोन एकेडमीको से १ प २९३ नम्बरको बस बिहीबार साँझ दुई जिल्लाको सीमानामा पर्ने रडुवा नदीमा दुर्घटनामा परेको हो।
डडेलधुराका प्रहरी नायव उपरीक्षक डम्बर केसीका अनुसार १० जनाको घटना स्थल मै मृत्यु भएको हो । उपक्षेत्रीय अस्पताल डडेलधुरा पुर्याइएका अन्य ६ जनाको मृत्यु भएपछि मृतकको संख्या १६ पुगेको हो । दुर्घटनामा दुई दर्जन बढी घाइते भएका छन् । घाइतेमध्ये केहीको अवस्था चिन्ताजनक रहेको मृतकको संख्या बढ्न सक्ने प्रहरीले जनाएको छ ।
