कालिकोटको पलाँतामा भिषण आगलागी भएको छ । पलाँता गाउँपालिका–१ खाडामा मध्यरात देखि लागेको आगो अझै नियन्त्रण बाहिर छ । आगलागी हुँदा ८७ घर जलेर नष्ट भएका छन्।
गाउँमा पानिको अभाव रहेको र युवाहरु पनि नभएकोले आगो निभाउने प्रहरी र स्थानीयबासीको प्रयास विफल भएको छ ।खरले छाएका घर भएकाले आगोले बढी क्षति पुर्याएको बताइएको छ । यद्यपि, क्षतिको पूर्णविवरण आउन बाँकी छ । आगो नियन्त्रणका लागि नेपाली सेनाको टोली पनि घटनास्थल जाँदैछ।
क्लिकोटका प्रमुख जिल्ला अधिकारी चन्दबहादुर कार्कीका अनुसार आगलागी भएको स्थान जिल्ला सदरमुकामबाट ३२ कोषको दुरीमा पर्दछ । नजिकको प्रहरी कार्यालयबाट पनि आगलागी स्थल पुग्न चार घण्टा पैदल हिँड्नु पर्छ ।