प्रधानमन्त्री केपी शर्मा ओलीले मंगलबार राष्ट्रिय जनता पार्टी (राजपा) का नेताहरु संग छलफल गरेका छन् । आफ्ना कुनै पनि माग पुरा नभएको भन्दै राजपाले सरकारलाई दिएको समर्थन फिर्ता लिने तयारी गरेसंगै प्रधानमन्त्रीले राजपा नेताहरु छलफल गरेका हुन ।
राजपा अध्यक्षमण्डलका सदस्य महेन्द्र राय यादवले आफ्ना मागमा प्रधानमन्त्री सकारात्मक रहेको बताए । उनका अनुसार प्रधानमन्त्रीले संविधान संशोधनको प्रक्रिया १ साताभित्र अगाडी बढाउने प्रतिबद्धता जनाएका छन् । ओलीले यस बिषयमा आफ्ना पार्टी र विपक्षि दलसँग समेत छलफल गरेर १ हप्ता भित्र त्यसबिषयको जानकारी गराउने जानकारी दिएको नेता रायले बताए ।
संविधान संशोधन गरेर आफ्ना माग पूरा गर्नुपर्ने, कैलाली क्षेत्र नम्बर १ बाट निर्वाचित राजपा सांसद रेशम चौधरीलाई पद तथा गोपनीयताको सपथ गराउनु पर्ने, उनीमाथि लगाइएको मुद्धा फिर्ता लिनुपर्ने माग राजपाले माग उठाउदै आएको छ ।