प्रधानमन्त्री तथा मन्त्रिपरिषद्को कार्यालयले विभिन्न मन्त्रालयहरुको प्रगति सफ्टवेयर मार्फत अनुगमन गरिरहेको छ । प्रधानमन्त्रीले चौमासिक अवधिमा कति काम हुन् सक्छ भनेर सम्बन्धित मन्त्रालय मार्फत नै विवरण माग गरेका थिए । अहिले उनले सफ्टवेयर मार्फत मन्त्रालयहरुले गर्ने भनेर प्रतिबद्धता जनाएका काममा के कति प्रगति भयो भनेर अनुगमन गरिरहेका हुन् । सफ्टवेयरले अद्यावधिक गरिरहेको पाइचार्ट प्रधानमन्त्रीले आफ्नो ट्याबलेटमा हेरिरहेका हुन् ।
यस क्रममा आफैंले निर्धारित गरेको लक्ष्य कुनै पनि मन्त्रालयले पूरा नगरेको पाईएको छ । सफ्टवेयरले रातो , पहेलो र हरियो गरी ३ रङमा मन्त्रालयको अपडेट देखाऊछ। लक्ष्यअनुसार काम भएको छ भने हरियो रङ देखिन्छ । लक्ष्यअनुसार काम सकिएको छैन, तर कामको प्रक्रिया चलिरहेको भए पहेँलो रङ देखिन्छ । लक्ष्यअनुसार कामको प्रक्रिया पनि सुरु नगर्ने मन्त्रालयको रातो रङ देखिन्छ । यसलाई सफ्टवेयरले प्रतिशतको आधारमा पाईचार्ट बनाउछ ।
यस क्रममा अर्थ मन्त्री युवराज खतिवडाको चार्ट मिश्रित भेटिएको छ । अर्थ मन्त्रालयले १६९ योजना सक्ने लक्ष्य लिएकोमा ५७ पुरा भएका छन् भने ५२ चालु अवस्थामा छन् । ६० भने सुरु नै भएका छैनन् ।
यस्तो छ अर्थमन्त्री युवराज खतिवडाको रिपोर्ट कार्ड ।