मंगलबार देशभरको मौसम बदलि भएको छ । पश्चिमी वायुको प्रभावका कारण उपत्यकासहित देशभर मौसम बदली भएको जल तथा मौसम पूर्वानुमान महाशाखाले जनाएको छ । महाशाखाका अनुसार उपत्यकामा सामान्य र पश्चिमका धेरैजसो ठाउँको मौसम पूर्णरुपमा बदली भएको छ ।
जसका कारण सुदूर र मध्य पश्चिमका धेरै ठाउँमा मेघगर्जनसहित पानी परेको छ ।पूर्वको केही ठाउँमा र पश्चिमी भेगमा मेघगर्जनसहित पानी पर्ने र उच्च पहाडी स्थानमा हिमपात हुने महाशाखाले जनाएको छ। काठमाण्डौ उपत्यका र आसपासका क्षेत्रमा भने बेलुकी वा राति फाट्टफुट्ट पानी पर्ने सम्भावना रहेको रहेको छ ।
बुधबार पनि यस्तै मौसम जारी रहने र बिहीबारदेखि मात्रै मौसममा सुधार आउने मौसमविद् शान्ति कँडेलले जानकारी दिएकी छिन् ।
