नेपाल कम्युनिस्ट पार्टी( नेकपा)का अध्यक्ष पुष्पकमल दाहाल ‘प्रचण्ड’ को परिवार नै बिरामी भएको छ । प्रचण्ड आफै, पत्नी सिता दाहाल, र बुहारी बिना मगर बिरामी परेका हुन् ।
प्रचण्डलाई भाइरल ज्वरो आएको छ । चिकित्सकको सल्लाहबमोजिम उनी निवासमा आराम गरिरहेका छन् । उनको सचिवालयका अनुसार चिकित्सकले केही दिन धपेडी नगर्न र आराम गर्न सल्लाह दिएका छन् । उनलाई केही दिन भेटघाट नगर्न तथा सार्वजनिक कार्यक्रममा सहभागी नहुन समेत आग्रह गरेको बताइएको छ ।
प्रचण्डकी बुहारी तथा खाने पानी तथा सरसफाइ मन्त्री बिना मगर पनि अश्वस्थ भएकी छिन् । बिरामी भएपछि उनलाई धापाखेलस्थित सुमेरु अस्पतालमा भर्ना गरिएको हो। अस्पतालका अनुसार उनलाई पनि भाइरल ज्वरो आएको छ । साथै उनको नाक र घाँटीमा इन्फेक्सन भएको छ । डा युवराज शर्माको टोलीले उनको उपचार गरिरहेको छ ।
उता बिनाकी सासुआमा सिता दाहाल पनि सोहि अस्पतालमा नै उपचार गराईरहेकी थिइन् । उनलाई गत आइतबार अस्पताल भर्ना गरिएको हो । डा शर्माका अनुसार सितालाई पनि भाईरल ज्वरो आएको हो । सीता उपचारपछि सोमबार राति घर फर्केकी छिन् ।