लगातार २ पटक स्थगित भएको प्रतिनिधिसभाको बैठक सूचना टाँस गरि स्थगित गरिएको छ । अब अर्को बैठक आगामी शुक्रबार दिउँसो १ बजे बस्ने भएको छ।
मंगलबारको पहिलो बैठक सुरु हुना साथ बिपक्षी सांसदहरुले उभिएर बिरोध गरेका थिए । सभामुख कृष्णबहादुर महराले समय दिएपछि प्रमुख प्रतिपक्षी दल नेपाली काङ्ग्रेसका प्रकाशमान सिंहले सरकारले पूर्वप्रधानमन्त्री गिरिजाप्रसाद कोइरालाका नाममा तनहुँमा स्थापित श्वासप्रश्वास केन्द्र र बाँकेमा स्थापित सुशील कोइराला प्रखर क्यान्सर अस्पताल केन्द्रीय सरकारअन्तर्गत सञ्चालन हुने निर्णय भएको जानकारी संसद्मा नआएसम्म बैठक चल्न नसक्ने बताएका थिए ।
सांसद सिंहले प्रा डा गोविन्द केसीसँग सरकारकाले गरेको सहमति कार्यान्वयन हुनुपर्नेमा पनि जोड दिए । सांसद सिंहले आफ्ना विचार राखिसकेपछि सभामुख महराले बैठकको कारवाही अघि बढाउन लाग्दा काङ्गे्रस सांसदले रोष्ट्रम घेराउ गरेका थिए । सांसदहरुले नाराबाजी नरोकेपछि सभामुख महराले १५ मिनेटको लागि बैठक स्थगित गरेका थिए । त्यसपछि सुरु भएको दोस्रो बैठकमा नाराबाजी जारि रहेपछि दोस्रो बैठक पनि १५ मिनेटको लागि स्थगित भएको हो ।
तर तेस्रो बैठक भने बस्न सकेन ।
यो पनि :
संसदमा धकेला धकेल (भिडियोसहित)
