राष्ट्रिय चिकित्सा शिक्षा विधेयक २०७५ पारित भएको छ । प्रतिनिधिसभाको आजको बैठकले विधेयक पारित गरेको हो । संसदमा प्रतिपक्षी दल नेपाली कांग्रेसले अवरोध जनाएपनि सभामुख कृष्णबहादुर महराले संसदको कारबाही अघि बढाएका थिए ।
कांग्रेसको अवरोधकै बीचमा शिक्षा मन्त्री गिरिराजमणि पोख्रेलले विधेयकमाथिको छलफलका लागि प्रस्ताव अघि बढाएका थिए । अवरोधका समयमा छलफलमा कुनै पनि सांसद सहभागी नभएपछि बहुमतका आधारमा चिकित्सा शिक्षा विधेयक पारित गरिएको हो ।
संसदको अर्को बैठक माघ १७ गते बस्ने गरी स्थगित भएको छ ।
