सरकारले एकैपटक २ हजार ८०७ जना सुरक्षाकर्मीलाई शहीद घोषणा गरेको छ । सोमवारको मन्त्रिपरिषद् बैठकले शहीद घोषणा गर्ने निर्णय गरेका हो ।
यसरी घोषण भएका शहीदमा सबैभन्दा धेरै नेपाल प्रहरीबाट रहेका छन् । घोषित भएका शहीदमा एक हजार ४४८ नेपाल प्रहरी, एक हजार १८ नेपाली सेना, ३१८ जना सशस्त्र प्रहरी र २३ जना राष्ट्रिय अनुसन्धान विभागका सुरक्षाकर्मी छन् । प्रधानमन्त्री केपी शर्मा ओलीले १८ औं सशस्त्र प्रहरी दिवसका अवसरमा सरकारले सुरक्षाकर्मीलाई शहीद घोषणा गरेको निर्णय सुनाएका थिए ।