चिकित्सा शिक्षा विधेयक राष्ट्रिय सभाबाट पनि पारित भएको छ । प्रमुख प्रतिपक्षी दल नेपाली काङ्ग्रेसको अवरोधका बीच विधेयक पारित भएको हो । प्रतिनिधि सभाबाट सन्देशसहित आएको विधेयकलाई राष्ट्रिय सभाका अध्यक्ष गणेशप्रसाद तिमल्सिनाले निर्णयार्थ प्रस्तुत गरेका थिए ।
बैठकमा शिक्षा मन्त्री गिरिराजमणि पोखरेलले यो विधेयकले अनशनरत प्रा.डा. गोविन्द केसीको माग पुरा गरिसकेको प्रष्ट पारे । विधेयक प्रगतिशिल भएको दाबी गर्दै उनले गरिबका छोरा छोरीले पनि मेडिकल शिक्षा पढ्ने बाटो खुलेको बताए ।
डा. केसी चिकित्सा शिक्षा सुधारको माग गर्दै १६ औँ अनसनमा छन् ।
आजै बसेको प्रतिनिधि सभाको बैठकमा भने सरकारले डा केसीको माग पुरा नगरेको भन्दै कांग्रेसका सांसदहरुले अवरोध गरेपछि २० गतेसम्मका लागि स्थागित भएको छ ।
