काठमाण्डौमा टिपरको ठक्करबाट एक जनाको मृत्यु भएको छ । कागेश्वरी मनोहरा नगरपालिका–७, खहरेचोकमा ना ५ ख ८०८४ नम्बरको टिप्परले ५४ प ७२६९ नम्बरको मोटरसाइकललाई ठक्कर दिंदा मोटरसाइकलमा सवार एक जनाको मृत्यु भएको हो । अर्का एक जना घाइते भएका छन् ।
मृत्यु हुनेमा सिन्धुपाल्चोकको जुगल गाउँपालिका ४ का २० वर्षका श्याम विक रहेका छन् । घाइते भएका २३ वर्षका निशान विकको ट्रमा सेन्टर काठमाण्डौमा उपचार भैहरेको छ ।
ठक्कर दिएपछि भागेका टिप्पर चालकको खोजी भैरहेको प्रहरीले जनाएको छ ।