शुक्रबार पनि देशै भरिको मौसम बदलि भएको छ। जल तथा मौसम पूर्वानुमान बिभागले आज शुक्रबार पनि भारी बर्षा र हिमपात हुने अनुमान गरेको छ । पश्चिमी वायुको प्रभावले देशैभर बदली र वर्षा हुने मौसम पूर्वानुमान महाशाखाले जनाएको छ ।
बिभागले शुक्रबार र शनिवार मौसम यस्तै रहने र आइतबारदेखि खुल्ने बताएको छ । हिमपहिरो जानसक्ने क्षेत्र र पहिरो जानसक्ने क्षेत्रमा सतर्क रहन बिभागले आग्रह गरेको छ।
यस्तो छ बिभागको आगामी ३ दिनको मौसम पूर्वानुमान ।
जारी मिति : माघ २५ गते (शुक्रबार) विहान ६:०० बजे
माघ २५ गते (शुक्रबार)
दिउँसो : देशभर सामान्य देखि पूर्ण बदली रहने देखिन्छ। देशका अधिकांश स्थानहरुमा हल्का देखि मध्यम बर्षा र १-२ स्थानमा भारी वर्षाको समेत सम्भावना छ | देशको उच्च पहाडी तथा हिमाली भेगका अधिकांश स्थानहरुमा हल्का देखि मध्यम हिमपातको संम्भावना रहेको छ भने उच्च पहाडी तथा हिमाली भेगको १-२ स्थानहरुमा भारि हिमपातको पनि सम्भावना रहेको देखिन्छ|
राति : देशको पुर्वी भूभागमा पूर्ण बदली र बाँकि भूभागमा सामान्य बदली रहने देखिन्छ। देशका केहि स्थानहरुमा हल्का देखि मध्यम बर्षाको सम्भावना देखिन्छ साथै पूर्वी भेगका एक दुई स्थानमा भारि वर्षाको संभावना छ | देशको उच्च पहाडी तथा हिमाली भेगका केहि स्थानहरुमा हल्का देखि मध्यम हिमपातको संम्भावना रहेको छ।
माघ २६ गते (शनिवार)
दिउँसो : देशको पश्चिमि भेगमा आंशिक बदलि रहनेछ भने मध्य र पूर्वी भेगमा सामान्य बदलि रहनेछ। मध्य र पूर्वको केहि स्थानमा हल्का वर्षा को सम्भावना रहेको छ। देशको मध्य र पूर्वी उच्च पहाडी तथा हिमाली भेगका केहि स्थानहरुमा हल्का देखि मध्यम हिमपातको संम्भावना रहेको छ।
राति : देशको मध्य र पूर्वी भेगमा आंशिक देखि सामान्य बदलि रहनेछ भने पश्चिमि भेगमा मौसम सामान्यतया सफा रहनेछ। मध्य र पूर्वको केहि स्थानमा हल्का वर्षा रहनेछ।देशको मध्य र पूर्वी उच्च पहाडी तथा हिमाली भेगका केहि स्थानहरुमा हल्का देखि मध्यम हिमपातको संम्भावना रहेको छ।
माघ २७ गते (आइतवार)
दिउँसो : देशको पश्चिमि भेग लगायत मध्य र पूर्वी पहाडी भेगमा आंशिक बदलि रहनेछ भने अन्य भेगमा मौसम सामान्यतया सफा रहनेछ। पहाडी भेगका १-२ स्थानहरुमा हल्का वर्षाको सम्भावना रहेको छ। देशको उच्च पहाडी तथा हिमाली भेगका १-२ स्थानहरुमा हल्का हिमपातको संम्भावना रहेको छ।
राति : देशको पश्चिमि र मध्य भेगमा आंशिक देखि सामान्य बदलि रहनेछ भने पूर्वी भेगमा मौसम सामान्यतया सफा रहनेछ। देशको पश्चिमी र मध्य उच्च पहाडी तथा हिमाली भेगका १-२ स्थानहरुमा हल्का हिमपातको संम्भावना रहेको छ।
