ललितपुरको भैँसेपाटीस्थित एक फ्याक्ट्रीमा भीषण आगलागी भएको छ । भैसेपाटीस्थित नख्खु टोलमा रहेको फोम गोदाममा आगलागी भएको हो ।आगलागीका कारण डीएन आरडी ट्रेडर्सले बिछ्यौउन बनाउन प्रयोग गरिने फोम जलेर नष्ट भएको छ।
दिउँसो सवा १ बजेबाट सुरु भएको आगलागी अहिले नियन्त्रममा आएको छ । ललितपुर र काठमाडौँका दमकलका साथमा ट्यांकरको सहयोगमा आगो नियन्त्रणमा लिईएको हो ।आगलागीको कारण खुल्न सकेको छैन । घटनाको बिस्तृत विवरण आउँन बाँकि छ । घटनाबारे थप अनुसन्धान भइरहेको प्रहरीले जनाएको छ ।
