उपप्रधानमन्त्री एवं स्वास्थ्य तथा जनसंख्या मन्त्री उपेन्द्र यादवकी बुहारीको निधन भएको छ । यादवकी बुहारी मनिषा यादवको मंगलबार उपचारको क्रममा मृत्यु भएको हो । क्यान्सर रोगको उपचार गराइरहेकी यादवको भक्तपुर क्यान्सर अस्पतालमा उपचारका क्रममा निधन भएको हो ।
राजविराज माइतीघर भएकी मनिषा र मन्त्री यादवका छोरा अमरेन्द्रको विवाह २०७२ सालको वैशाखमा भएको थियो। मनिषा र अमरेन्द्रकी दुई वर्षकी छोरी छिन् । २७ वर्षीया मनिषालाई विवाह भएको एक वर्षपछि क्यान्सर भएको पत्ता लागेको थियो।
उनको निधनको शोकमा सप्तरीको महादेवा गाउँपालिकाले फागुन १ गते बुधबारका दिन गाउँपालिका र वडा कार्यालय बन्द रहने गरी सार्वजनिक विदा दिएको छ ।