घुस प्रकरणमा मुछिएर पदबाट राजीनामा दिएका अख्तियार दुरुपयोग अनुसन्धान आयोगका आयुक्त राजनारायण पाठकविरुद्ध अख्तियारले नै अनुसन्धान थालेको छ । सहसचिवको नेतृत्वमा तीन सदस्यीय कमिटी गठन गरेर अनुसन्धान सुुरु गरिएको अख्तियार प्रवक्ता रामेश्वर दंगालले जानकारी दिए ।
अख्तियारले महान्यायाधिवक्ताको कार्यालयसँग सुझाव लिएर अनुसन्धान सुुरु गरेको हो । महान्यायाधिवत्ताको कार्यालयले सोमबार पाठकमाथि अख्तियारले नै छानबिन गर्न सक्ने बताएको थियो ।
नेपाल इञ्जिनियरिङ कलेजमा भएको भ्रष्टाचार मिलाइदिने शर्तमा उनले ७८ लाख रुपैयाँ घुस लिएको सार्वजनिक भएपछि पाठकले गत शुक्रबार पदबाट राजीनामा दिएका थिए ।