एसईई परीक्षाको प्रश्नपत्र बाहिरिएपछि छानबिनको जिम्मा केन्द्रीय अनुसन्धान ब्यूरो (सिआईबी) लाई दिइएको छ । देश नम्बर २ मा लगातार प्रश्नपत्र बाहिरिएपछि शुक्रबार शिक्षामन्त्री गिरिराजमणि पोखरेलको अध्यक्षतामा बसेको एसईई परीक्षा सुरक्षा समितिको बैठकले यो विषयको छानबिन गर्ने जिम्मा सिआईबीलाई दिने निर्णय गरेको हो ।
परीक्षाको अघिल्लै दिन प्रश्नपत्र विद्यार्थीको हातहातमा परेपछि शुक्रबार आकस्मिक रुपमा सुरक्षा समितिको बैठक बसेको हो । बैठकले ७७ जिल्लाकै परीक्षा केन्द्रको अनुगमन गरेर प्रश्नपत्रको अवस्थाबारे चार घण्टामा रिपोर्ट पठाउन निर्देशनसमेत दिएको छ । ७७ वटै जिल्लाबाट अनुगमन रिपोर्ट आएपछि राष्ट्रिय परीक्षा बोर्डको बैठक आजै साँझ ६ बजे बस्ने छ ।
प्रदेश २ मा बिहीबार विज्ञान र शुक्रबार सामाजिक विषयको प्रश्नपत्र बाहिरिएपछि प्रदेश २ मा दुवै दिनको परीक्षा रद्ध गरिएको छ । परीक्षा रद्ध भएपछि विद्यार्थीले २ नम्बर प्रदेशका सबै जिल्लामा आन्दोलन गरेका छन् ।
यसअघिः