बुधबार बिहान काठमाडौंमा भूकम्पको धक्का महशुस भएको छ । बिहान ६ बजेर २९ मिनेटमा धक्का महशुस भएको हो । भूकम्पको धक्का काठमाडौँ लगायतका आसपासका जिल्लामा पनि महशुस भएको छ ।
भूकम्पले करिब ३० सेकेण्ड हल्लाएको थियो । त्यसपछि ६:४० मा पुन अर्को धक्का महशुस भएको छ ।
युरोपियन मेडीटेरियनको मापन केन्द्रले उक्त भूकम्प ४.९ म्याग्नेच्युडको भएको पूर्वनुमान गरेको छ । अमेरिकी भू गर्व बिभागले भने उक्त भूकम्पको केन्द्र बिन्दु किर्तिपुर रहेको र तिब्रता ४.७ म्याग्नेच्युड रहेको बताएको छ । नेपालको भूकम्प मापन केन्द्रले भने नौबिसे केन्द्र भएर ५.२ म्याग्नेच्युडको भूकम्प गयेको जनाएको छ ।
२०७२ साल वैशाख १२ गते गोरखाको बारपाक केन्द्रबिन्दु भएर भूकम्प गएको ४ वर्ष पूरा हुन लाग्दा ठूलो परकम्प गएको हो ।