बैशाख ११ गते बुधबार बिहानै काठमाडौंमा ११ मिनेटको अन्तरमा २ पटक भूकम्पको धक्का महसुस भएको छ। पहिलो धक्का बिहान ६ बजेर २९ मिनेटमा र दोस्रो ६ बजेर ४० मिनेटमा महशुस भएको छ।
दुवै भूकम्पको केन्द्र नौबिसे भएको राष्ट्रिय भूकम्प मापन केन्द्रले जनाएको छ। केन्द्रका अनुसार पहिलो भूकम्पको तिब्रता ५.२ म्याग्नेच्ग्युड र दोस्रोको ४.३ म्याग्नेच्युड छ।
२०७२ साल वैशाख १२ गते गोरखाको बारपाक केन्द्रबिन्दु भएर भूकम्प गएको ४ वर्ष पूरा हुन लाग्दा ठूलो परकम्प गएको हो। गृह मन्त्रालय अन्तर्गतको राष्ट्रिय आपतकालीन सञ्चालन केन्द्रले दुवै भूकम्पबाट हालसम्म कुनै क्षतिको विवरण प्राप्त नभएको जनाएको छ।