नेपाली कांग्रेसले सरकारले राष्ट्रपतिलाई कार्यकारी राष्ट्रप्रमुखको हैसियत दिन खोजेको आरोप लगाएको छ । प्रमुख प्रतिपक्षी दल कांग्रेसको शनिबार सिंहदरबारमा बसेको संसदीय दलको बैठकले संंघीय लोकतान्त्रिक गणतन्त्रमा पनि प्रधानमन्त्री केपी शर्मा ओलीले राष्ट्रपतिलाई राजाको जस्तो राष्ट्र प्रमुखको हैसियत दिएको आरोप लगाएको हो ।
शुक्रबार सरकारको नीति तथा कार्यक्रम सार्वजनिक गर्ने क्रममा राष्ट्रपति विद्यादेवी भण्डारीले मेरो सरकार भन्ने शब्द प्रयोग गर्नु गलत भएको काङ्ग्रेसको निश्कर्ष छ । काङ्ग्रेस संसदीय दलका प्रमुख सचेतक बालकृष्ण खाँडले सरकारको नीति तथा कार्यक्रममा प्रयोग भएको भाषा संशोधन गरिनुपर्ने बताए ।
संघीय लोकतान्त्रिक गणतन्त्रलाई बलियो बनाउनुको सट्टा राजकिय शक्तिलाई केन्द्रीकृत गर्ने किसिमले निती तथा कार्यक्रम आएको काङ्ग्रेसको बुझाई छ । सरकारको नीति तथा कार्यक्रम सार्वजनिक गर्ने क्रममा राष्ट्रपतिले मेरो सरकार भनि गरेको उच्चारण विवादमा तानिएको छ ।