होटल याक एण्ड यतिबाट पक्राउ परेका भारतीय नागरीकका परिवारले विदेश मन्त्री शुष्म स्वरोजलाई भेट्ने भएका छन । परिवारले सवरोजलाई भेट्दै उनीहरुलाई छुटाउन सहयोग माग्ने भारतिय सञ्चार माध्यमले जनाएको छ ।
परिवारले नयाँ दिल्लीस्थित विदेश मामिला मन्त्रालयका अधिकारीलाई घटनाबारे जानकारी गराएका छन् । परिवारका अनुसार, पक्राउ परेकाहरु नेपालमा तीन दिने व्यवसायिक कार्यशालामा सहभागी हुन गएका थिए ।
गत बैंशाख २७ गते महानगरीय प्रहरी परिसर, काठमाडौं अपराध महाशाखा, केन्द्रीय अनुसन्धान ब्यूरो र महानगरीय प्रहरी वृत्त दरबारमार्गको संयुक्त टोलिद्धारा होटल याक एण्ड यतिबाट १२ जना भारतीय पक्राउ परेका थिए । नेपालमा बसेर अवैधानिक रुपमा नेटवर्किङ व्यवसायमा संलग्न रहेको आरोपमा उनीहरुलाई पक्राउ गरेको महानगरीय प्रहरी परिसरले जनाएको छ ।
काठमाण्डौं प्रहरी प्रमुख उत्तमराज सुवेदीका अनुसार तीन जनाले महानगरीय प्रहरी परिसरमा एक करोड २३ लाख ठगी भएको भन्दै उजुरी दर्ता गराएका छन् । पक्राउ परेकाहरुको विषयमा विभिन्न क्षेत्रबाट उजुरी आईरहेकोले ठगी र संगठित अपराध मुद्धामा म्याद थप गरी अनुसन्धान अघि बढाइएको उनले जानकारी दिए ।
