गणतन्त्र नेपालको इतिहास मै पहिलोपटक प्रमाणिकरणको लागि गएको विधेयक राष्ट्रपतिबाट फिर्ता भएको छ । राष्ट्रपति विद्यादेवी भण्डारीले राहदानी सम्बन्धी कानुनलाई संशोधन र एकीकरण गर्न बनेको विधेयक प्रमाणीकरण नगरी पुनर्विचारका लागि फिर्ता पठाएकी हुन।
उक्त विधेयक राष्ट्रिय सभा छलेर राष्ट्रपति समक्ष पठाईएको थियो । प्रतिनिधि सभाका सभामुखले प्रमाणित गरी नेपालको संविधानको धारा ११३ को उपधारा(२) बमोजिम प्रमाणिकरणका लागि पेश गरेको उक्त विधेयक संविधानको धारा ११३ को उपधारा (३) बमोजिम संसद मै फिर्ता भएको हो ।
संसद्को तेस्रो अधिवेशनको अन्तिम समयमा प्रतिनिधिसभाले पारित गरेर उक्त विधेयक राष्ट्रिय सभामा पठाएको थियो । त्यहि समय मै अधिबेशन अन्त्य भएकोले सो विधयेक राष्ट्रिय सभामा पेश नै हुन् पाएँन । ६० दिनभित्र प्रक्रिया अघि नबढेको र कुनै प्रक्रिया नआएको भन्दै प्रतिनिधिसभाले प्रमाणिकरणका लागि राष्ट्रपति कार्यालयमा पठाएको थियो ।
मंगलबार मात्रै राष्ट्रपति भण्डारीले राष्ट्रिय सभा सदस्य रामनारायण विडारी र राधेश्याम अधिकारीलाई शीतलनिवास बोलाएर विधेयकबारे राय लिएकी थिइन्।
विधेयकका कतिपय बुँदाहरुले नेपाली नागरिकलाई राहदानी दिन रोक्ने भन्दै प्रमुख प्रतिपक्षी नेपाली कांग्रेसले विरोध जनाएको थियो।