नेत्र बिक्रम चन्द विप्लब नेतृत्वको समुहले फेरी नेपाल बन्द आह्वान गरेको छ । सरकारले आफ्ना कार्यकर्ता तीर्थराज घिमिरेको हत्या गरेको आरोप लगाउदै समुहले बिरोधका कार्यक्रम सार्बजनिक गरेको हो ।
जस अन्तर्गत समुहले जेठ १० र ११ गते भन्डाफोर र आमसभा, १२ गते देशब्यापी मसाल जुलुस र १३ गते नेपाल बन्दको कार्यक्रम सार्बजनिक गरेको हो ।
भोजपुरमा मंगलबार दिउँसो प्रहरीसँगको मुठभेडमा घाइते भएका घिमिरेको मंगलबार राति उपचारको क्रममा मृत्यु भएको थियो। उनी षडानन्द नगरपालिका–२ कुदाककाउलेका निवासी हुन् ।
भोजपुर जिल्लाको टेम्केमैयुङ गाउँपालिका–१ तिम्माको धोद्रे जङ्गलमा मंगलबार दिउँसो प्रहरी र विप्लव समूहका कार्यकर्ताबीच मुठभेड भएको थियो । मंगलबारको मुठभेडमा घिमिरेको खुट्टामा गोली लागेको थीयो । घिमिरलाई मंगलबारनै उपचारका लागि धरान लगिएको थियो।
विप्लव समूहका कार्यकर्ताले प्रहरीमाथि फायर गरेको र जवाफी कारवाहीमा घिमिरेलाई गोली लागेको प्रहरीले जनाएको छ ।
