दोलखाको कालिन्चोक गाउँपालिकामा आगलागी हुँदा पाँचवटा घर जलेर नष्ट भएका छन् । कालिन्चोक गाउपालिकाको सुुनखानि सोति बजारमा आगलागी हुँदा घरहरु जलेर नष्ट भएका हुन् ।
कालिन्चोेक गाउँपालिकाको वडा नं ८ को सोति बजारमा रहेको स्थानिय कृष्ण सेढाइको घरमा बिद्युत सर्ट भएर आगलागि हुँदा छेउछाउमा रहेका घरहरु जलेर नष्ट हुँदा १ करोड ९७ लाख बराबरको क्षति भएको दोलखा प्रहरी प्रवक्ता रेशम बोहोराले जानकारि दिए ।
आगलागिमा परि कृष्ण सेढाइ, घनश्याम उप्रेति, चित्र खरेल र नारायण प्रसाद शिवाकोटिको घर पुर्ण रुपमा जलेर नष्ट भएको छ भने पदमराज शिवाकोटिको घर आंशिक रुपमा जलेको छ । आगलागिको कारण कुनै मानविय क्षति नभएको प्रहरिले जनाएको छ ।
आगो बिहान २ बजे देखि लागेको थियो । नेपालि प्रहरी, सशस्त्र प्रहरी , भिमेश्वर नगरपालिकाको दमकल र स्थानियबासिको सहयोगमा बिहान ६ बजेपछि मात्र पुर्ण रुपमा नियन्त्रणमा आएको थियो ।