ललितपुरको लगनखेलमा पनि बम फेला परेको छ । आइतबार बेलुका लगनखेल बसपार्कमा कुकर बम फेला परेको हो । अहिले नेपाली सेनाको बम डिस्पोजल टोली घटनास्थलमा पुगेर बम डिस्पोज गर्ने तयारी गरिरहेको प्रहरीले जनाएको छ ।
त्यस्तै ललितपुर कै ग्वार्कुमा पनि शंकास्पद वस्तु फेला परेको प्रहरीले जनाएको छ ।
यस अघि आइतबार दिउँसो शुकेधारा र अनामनगरमा बम बिस्फोट हुँदा ३ जनाको मृत्यु भएको थियो । दुवै घटनामा विप्लब समुहको संलग्नता देखिएको प्रहरीले जनाएको छ ।
आइतबार विप्लब समुहले नेपाल बन्दको आह्वान गरेको छ । बन्दको पूर्वसन्ध्यामा बम बिस्फोटका घटना भएपछि उपत्यकावासी त्रसित भएका छन् ।
यो पनि :
बम विस्फोटमा विप्लब समुहको संलग्नता, अनुसन्धान जारी