प्रधानमन्त्री केपी शर्मा ओलीलाई कोरियाको काङनाम विश्वविद्यालयले मानार्थ विद्यावारिधिको उपाधि दिएको छ । बुधबार काठमाडौंमा एक कार्यक्रमको आयोजना गरी उक्त विश्वविद्यालयका अध्यक्ष डा. शिनिल युनले प्रधानमन्त्री ओलीलाई राजनीतिक शास्त्रको मानार्थ विद्यावारिधिको उपाधि प्रदान गरेका हुन् ।
प्रधानमन्त्रीको निजी सचिवालयका अनुसार लोकतन्त्र स्थापनामा पुर्याएको योगदानको कदर गर्दै ओलीलाई सो उपाधि प्रदान गरिएको हो । उपाधि ग्रहण गर्दै प्रधानमन्त्री ओलीले कोरियाको विकासबाट नेपालले धेरै कुरा सिक्न सक्ने बताए । वर्तमान सरकारले सही नीति र दृष्टिकोण लिएको दाबी गर्दै ओलीले मुलुक छोटो समयमै विकसित हुने बताए ।
